ភ្នំពេញ៖ នៅរសៀលថ្ងៃអង្គារ៍ ទី២៨ ខែធ្នូ ឆ្នាំ២០២១នេះ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បង្ហោះវីដេអូស្និតស្នាលរបស់ចៅស្រីទី២១ ដណ្តើមស្ករគ្រាប់ពីសម្តេច។ អមជាមួយវីដេអូនោះ សម្តេចតេជោបានសរសេរបញ្ជាក់ថា៖ «នាងនេះហើយដែលស្រក់ទឹកភ្នែកតែមិនយំ»។
គួរបញ្ជាក់ផងដែលថា កាលពីថ្ងៃទី១៩ ខែវិច្ឆិកា ឆ្នាំ២០២១កន្លងទៅនេះ សម្តេចតេជោ ហ៊ុន សែន បានប្រកាសរកអ្នកនិពន្ធបទ «ស្រក់ទឹកភ្នែកតែមិនយំ» សម្រាប់ចៅស្រីទី២១របស់សម្តេច។ បើតាមការឱ្យដឹងពីលោក អ៊ុក ណារីម ដែលជាអ្នកដឹកនាំការផលិតបទចម្រៀងនេះ គឺរហូតមកទល់ពេលនេះបទចម្រៀងខាងលើត្រូវបានផលិតសរុបចំនួនប្រមាណ ៤៩បទរួចមកហើយ៕
ព័ត៌មានជាច្រើនទៀតសម្រាប់អ្នក
